Amakuru
Trending

Israel: Abarabu n’abanya Israel batangiye gukozanyaho nyuma y’ibitero ku mpande zombi.

Mu minsi yashize nibwo habaye ibikorwa biteye kwibaza niba Abayahudi n’Abarabu bazakomeza kubana mu gihugu kimwe, ubwo agatsiko k’Abarabu bo mu mujyi wa Acre bakubitaga umugabo w’Umuyahudi w’imyaka 30 bakamusiga ari intere.

Na none hakongera kugaragara agatsiko k’Abayahudi bo mu Mujyi wa Bat Yam bagerageza kwica umushoferi w’Umwarabu ariko ntiyapfa ariko agasasigarana ibikomere byinshi.

Umuturage w’Umwarabu utuye mu Mujyi wa Acre, akaba n’Umunyamategeko Aida Touma-Suleiman yabwiye CNN ko bahangayikishijwe bikomeye n’ibikorwa by’urugomo biri kubera muri Israël.
zimwe muri misire zatewe n’umutwe wa hamas muri Israel.

Ati “Ubu nikingiraye mu nzu, ibikorwa by’urugomo biri kubera imbere y’inzu yanjye kandi nta hantu dufite ho guhungira. Imyuka iryana mu maso yuzuye inzu, ntabwo dutekanye habe na gato. Abaturage b’Abarabu bari guterwa mu mijyi myinshi.”

Yakomeje agira ati “Mpangayikishijwe cyane n’uyu mujyi (Acre). Kandi ibi biri no kubera muri Haifa, ndetse no muri Lod. Abaturage batandukanye bari guterwa. Ntanubwo nizeye ko polisi ifite ubushobozi bwo kubihagarika cyangwa ifite ubushake bwo kubikora.”

Israeli Prime Minister Benjamin Netanyahu tours the city of Lod early on May 12, 2021. – Israeli Prime Minister Benjamin Netanyahu on May 12 declared a state of emergency in the central city of Lod as police accused Arab residents of waging “wide-scale riots”. (Photo by Ahmad GHARABLI / AFP) (Photo by AHMAD GHARABLI/AFP via Getty Images)
Minisitiri w’Intebe w’iki gihugu, Benjamin Netanyahu, yavuze ko ibikorwa biri kubera mu gihugu cye ari indengakamere ndetse ko agiye kohereza abasirikare bagafasha abapolisi, guhagarika ako kavuyo.

Ati “Nta kintu cyerekana ko Abarabu aribo bari kwica Abayahudi, ndetse nta n’icyerekana ko Abayahudi aribo bari kwica Abarabu.”

Yavuze ko guverinoma ye igiye gukoresha imbaraga zayo zose mu kurinda abaturage bayo, ikabarinda abanzi bo hanze y’igihugu ndetse n’udutsiko tw’imbere mu gihugu.

12 May 2021, Israel, Lod: A container set on fire as during clashes between Israeli soldiers and rioting Israeli-Arabs amid a night-time curfew in the mixed Israeli-Arab city of Lod. A state of emergency has been declared in Lod, as tensions rise between Israelis and Arab-Israelis following the killing of an Arab during the riots on Monday night. Photo: Oren Ziv/dpa (Photo by Oren Ziv/picture alliance via Getty Images)
Kuva amakimbirane yatangira hagati y’Abayahudi n’Abarabu, abarenga 374 bamaze gufungwa ndetse abapolisi 36 bamaze gukomerekera mu mirwano.

Minisiteri y’Ubuzima muri Gaza, ivugako imirwano hagati y’ibihugu byombi imaze guhitana abantu 60 abandi 400 barakomereka.

Leave a Reply

Your email address will not be published. Required fields are marked *

Back to top button

Adblock Detected

Close or Pause AdBlocker before Using this site