Imikino
Trending

José Mourinho nyuma yo kwirukanwa mu bwongereza yasubiye guhanga mu butaliyani.

José Mourinho yagizwe Umutoza Mukuru wa AS Roma yo mu Butaliyani nyuma yo gutandukana na Tottenham Hotspur yamwirukanye mu kwezi gushize.

Mourinho azatangira gutoza AS Roma guhera muri shampiyona y’umwaka utaha. Iyi kipe yo mu Butalitani yamuhaye akazi nyuma yo gusezerera Paulo Fonceca mu gitondo cyo kuri uyu wa Kabiri.

AS Roma yari imaze iminsi ititwara neza kuko mu mikino ya Europa League yabaye mu cyumweru gishize, yatsinzwe na Manchester United ibitego 6-2 ikaba iri no ku mwanya wa karindwi muri Shampiyona y’u Butaliyani yamaze no kwegukanwa na Inter Milan.

Iyi ni ikipe ya karindwi Mourinho agiye gutoza nyuma yo kunyura muri FC Porto, Chelsea, Inter Milan, Real Madrid, Manchester United na Tottenham Hotspur ari nayo yonyine atabashije guhesha igikombe.

Mourinho w’imyaka 58, ni umwe mu batoza banditse amateka akomeye ku Isi kuko amaze gutwara ibikombe birenga 25 kuva yatangira aka kazi.

Leave a Reply

Your email address will not be published. Required fields are marked *

Back to top button

Adblock Detected

Close or Pause AdBlocker before Using this site