Ubuzima
Trending

Ubuzima:Tanzania yatangiye kwakira inkingo za coronavirus bwambere.

Tanzania yahawe doze zirenga miriyoni z’inkingo za Johnson &Johnson muri gahunda ya Covax y’ishyirahamwe ryita ku buzima kw’isi, OMS/WHO, yo kurwanya icyorezo cya Covid-19.

Ni muri ya gahunda ya Reta Zunze Ubumwe za Amerika yo gufashisha umugabane wa Afrika inkingo zigera kuri miriyoni 25.

Nk’uko bimeze mu bindi bihugu, abazabona ubwa mbere izi nkingo ni abakora mu bijyanye n’ubuvuzi hamwe n’abo bandi bose baboneka ko bashobora kwanduzwa icyi cyorezo byihuse.

Ku rubuga rwayo rwa Twitter, ambasade ya Amerika muri Tanzania yavuze ko yahaye reta ya Tanzania izo nkingo ibicishije muri gahunda ya Covax, ikoranye kandi n’ishyirahamwe ry’Ubumwe bwa Afrika.

Ambasaderi wa Amerika muri icyo gihugu Donald J Wright, avuga ko bari gukwirakwiza izi nkingo kugira ngo barokore ubuzima mu gufata iya mbere mu rugamba rwo guhashya iki cyorezo.

Itangazo ryasohowe n’umunyamabanga ihoraho muri Minisitiri y’ubuzima ya Tanzania ryaciye mu kinyamakuru The Citizen muri icyo gihugu, rivuga ko reta itegereje kubona ubwoko bune bw’inkingo zirindiriwe mu gihe cy’amezi atatu kugera kuri ane ari imbere.

Uru rukingo rutangwa kuri doze imwe gusa ruzatangwa ku buntu mu bitaro byose bya leta.

Abazaba bafite ingendo mu mahanga nabo bazahabwa uru rukingo ariko babanje kwishyura.

Hari hashize ibyumweru bibiri ikirwa cya Zanzibar ry’ico gihugu ryaratanguye isekeza ryo gucandaga rikoresheje rwa rucanco rw’ahingurwa n’Ubushinwa, Sinovac.

Kugera ubu ariko nta mibare yerekana abamaze gucyingirwa, cyangwa amakuru y’izo nkingo zatanzwe na reta y’Ubushinwa.

Tanzania yari imaze igihe kitari gito idatangaza amakuru y’uko coronavirus yifashe mu gihugu kuva mu 2020 kugera mu kwa gatandatu uyu mwaka, hashize amezi make Perezida Samia Suluhu yimitswe nk’umukuru mushya w’icyo gihugu.

Uwo yasimbuye, nyakwigendera John Pombe Magufuli, yari umwe mu bayobozi b’isi batabona rumwe n’abandi ku bijanye n’icyorezo cya Covid, akaba yari yaranze kwakira inkingo.

Iki gihugu ubu kivuga ko gihanganye n’ubwoko bwa gatatu cya Covid-19.

Eritrea n’Uburundi ni byo bihugu byonyine ku mugabane wa Afrika bitarasaba inkingo muri wa gahunda ya Covax cyangwa muri gahunda y’ishyirahamwe ry’Ubumwe bwa Afrika, uzwi nka Vaccine Acquisition Trust.

Leave a Reply

Your email address will not be published. Required fields are marked *

Back to top button

Adblock Detected

Close or Pause AdBlocker before Using this site