Amakuru

UBWONGEREZA: Benshi banze kwakira urukingo rwa covid-19 bavuga ko bashaka urwakorewe mu gihugu cyabo.

Urukingo rw’ubudage na America ‘Pfizer-bioNTech’ vaccine ni rwo rukingo rwa mbere rwabonetse ‘ndetse rwemezwa mbere n’ikigo gishinzwe ibiribwan’imiti kugirango rutangire gukoreshwa abantu bikingira iyi virusi ya corona.

Uru rukingo rukimara kwemezwa, ibihugu bikize nka reta zunze ubumwe za America ndetse n’ubwongereza byahise bifata umubare munini w’inkingo kugirango bibashe gukingira abaturage babyo. Nyuma ya Pfizer,haje urundi rukingo rwitwa Moderna narwo rwahawe uburenganzira bwo gukoreshwa ibihugu byinshi bigahita birufata.

Kugeza ubu ibihugu byinshi birimo kugerageza gukora izindi nkingo, aho ubushinwa ndetse n’ubwongereza nabyo byamaze gukora inking zabyo ndets zamaze no kwemezwa kugirango zitangire gukoreshwa.

Kaminuza ya Oxford yo mu bwongereza nayo yakoze urukingo rwa covid-19 ndetse kuri ubu narwo rwamaze kwemezwa n’ibindi bihugu bitandukanye. Mbere y’uko ubwongereza buvumbura urukingo rwabwo, rwari rwaraguze urukingo rwa Pfizer ndetse abantu benshi bari bamaze kuruhabwa.

Inkuru dukesha BBC  ivuga ko, kuri ubu kuva urukingo rwa Oxford-AstraZeneca rwakorewe mu bwongereza rwaboneka, abantu ntibarimo kwemera guterwa urukingo rwa Pfizer -bioNTech, bavuga ko bategereje urwa Oxford-AstraZeneca rwakorewe mu gihugu cyabo.

Urukingo rwa Pfizer bioNTech nirwo rwakozwe mbere runemezwa mbere. Mugihe urwa Oxfoerd AstraZeneca rwo rwemejwe kuya 30 ukuboza ariko ntibivuze ko rumwe aaari rubi urundi rukaba rwiza.  Comite ishinzwe iby’inkingo n’ubudahangarwa bw’umubiri yemeje ko zose ntakibazo zifite, ko ari nziza zose.

Dr Williams yanditse ku rukuta rwe rwa twitter ati:” abarwayi bamwe banze kwemera amahirwe yo guterwa urukingo bari bahawe bakimara kumenya ko ari urwa Pfizer.bagiraga bati:” nzategereza urwakorwe mu bwongereza”. Ati:”abantu bari muri byago byo gupfa kubera icyorezo.izi ni ingaruka zo kuba umunyagihugu cyane.

Dr Simon Stockley ukora mu by’ubuvuzi bwa eaglescliffe abajijwe kubijyanye na tweet ya mugenzi we Williams yabwiye radio BBC ati;”ndabyumva abantu bari kugerageza kwiyumvisha ko urukingo rumwe ari rwiza kurusha urundi.  Ariko nta bimenyetso bifatika baifitiye”. Yongeyeho ati:’ njye urukingo navuga ko ari rwiza, nirwo bagushyize mubiganza vuba cyane. Niba uri kwanga kwakira urukingo rwa Pfizer ngo hari urundi utegereje, ibyo ni ukwihemukira”

Minisitiri w’intebe Boris Johnson yabwiye abantu ko kwemeraguhabwa urukingo ari byiza kuri bo ndetse no ku gihugu cyabo.

 

 

Leave a Reply

Your email address will not be published. Required fields are marked *

Back to top button

Adblock Detected

Close or Pause AdBlocker before Using this site