Mugihe isi yugarijwe n’icyorezo cya corona virusi, abahanga benshi mubijyanye na science muri za raboratwari zitandukanye bakomeje gukora ibishoboka byose ngo haboneke urukingo rutsinda burundu iyi ndwara. Kuri ubu hamaze kuboneka inkingo ziri mubwoko bwinshi ndetse abantu benshi bamaze tuziterwa mubihugu bitandukanye bya America n’uburayi.
Kaminuza ya Oxford nayo yakoze urukingo rwa COVID-19 bivugwa ko rushobora kurinda kwandura iki cyorezo kukigero cya 70.4% iki gipimo gishobora gukora nka 90% igihe dose yongerewe . Urukingo rwa Oxford-AstraZeneca rwakozwe na kaminuza ya Oxford kubufatanye n’ikigo gitunganya imiti cya AstraZeneca. Abahanga bemeje ko uru rukingo rwizewe kandi ko rufite ubushobozi bwo kurwanya corona virus.
Uru rukingo rw’abongereza rworoheye bose kuko ruhendutse ugereranije nizindi nkingo zakozwe arizo Pfizer-BioNTech na Moderna. Byoroshye kandi kurubika kuko rushobora gushyirwa muri firigo isanzwe ntirugire icyo ruba. Urukingo rwa Pfizer-BioNTech rugura hafi amayero 15 kuri dose ($ 20), urwa Moderna rugura amayero 25 ($ 33), naho urukingo rwa Oxford-AstraZeneca ruraboneka ku giciro gito nibura amayero 3 ($ 4).
Ubwongereza bwabaye igihugu cya mbere ku isi cyemeje urukingo rwa coronavirus rwakozwe na kaminuza ya Oxford na AstraZeneca rwitezweho guhangana n’ubwoko bushya bwa corona virus bwibasiye ubwongereza muri iki give. AstraZeneca yavuze ko uburenganzira bwatanzwe ku doze ebyiri kandi ko urukingo rwemejwe kuri uyu wa gatatu kugira ngo rukoreshwe mu gutabara. Minisitiri w’intebe Boris Johnson yavuze ko iki cyemezo ari intsinzi kuri science y’Ubwongereza”.
Johnson yanditse kuri Twitter agira ati: “Mu byukuri ni inkuru nziza – kandi intsinzi y’ubumenyi bw’Ubwongereza – ko urukingo rwa @ UniofOxford / @ AstraZeneca rwemejwe gukoreshwa.” Ubwongereza bwahise butumiza doze miliyoni 100 z’urukingo.
Uyu munsi guverinoma yemeye icyifuzo cy’ikigo gishinzwe kugenzura imiti n’ibicuruzwa byita ku buzima (MHRA) cyo gutangira gukoresha uru urukingo rwa kaminuza ya Oxford ” COVID-19 AstraZeneca vaccine.” Ihuriro rya comite ishinzwe ibijyanye n’inkingo n’ikingira ryemeje ko hagomba gutangirirwa Ku bantu bafite ibyago byinshi byo kwandura bahita batangira guhabwa icyiciro cya mbere cy’urukingo.
Umuyobozi mukuru wa AstraZeneca yagize ati: “Uyu munsi ni umunsi w’ingenzi ku bantu babarirwa muri za miriyoni mu Bwongereza bazabona uru rukingo rushya.” Ati” rugaragaza gukora neza, kutagira icyo rwangiza ndetse biroroshye kurwakira, kandi ruzatangwa na AstraZeneca nta nyungu”
Iki cyorezo kimaze guhitana abantu miliyoni 1.7 ku isi, kibiba akajagari mu bukungu bw’isi kandi gihindura nabi ubuzima bwabantu barenda miriyari ku isi kuva cyatangira muri Wuhan mu Bushinwa umwaka ushize. By’umwihariko, Ubwongereza na Afurika y’Epfo, birimo guhangana n’ubwoko bushya bwa coronavirus, guverinoma n’abahanga bavuga ko bandura cyane. Byatumye Ibihugu byinshi bihitamo guhagarika ingendo z’abagenzi no guhagarika ubucuruzi.
AstraZeneca hamwe nabandi bashakashatsi bavuze ko barimo kwiga ku ngarukaz’ubu bwoko bushya bw’icyorezo, ariko biteze ko inkingo zabo zizagira ingaruka nziza mu kubirwanya.